मलकापुरात रंगला "५७ वा महिला मेळावा "नारीशक्तीचा जागर आणि 'होम मिनिस्टरचा थरार '... मलकापूरच्या ज्योती देशमुख ठरल्या मानाच्या पैठणीच्या मानकरी..

मलकापुरात रंगला "५७ वा महिला मेळावा "नारीशक्तीचा जागर आणि 'होम मिनिस्टरचा थरार '...

     मलकापूरच्या ज्योती देशमुख ठरल्या मानाच्या पैठणीच्या मानकरी..

     

मलकापूर -

 श्री मळाई ग्रुप आयोजित व शिवाजी आप्पा सराफ पुरस्कृत भव्य महिला मेळावा शुक्रवार दिनांक २७ मार्च २०२६ रोजी दुपारी २. ३० वाजता आदर्श ज्युनिअर कॉलेज मलकापूर येथे महिलांच्या उत्स्फूर्त प्रतिसादात संपन्न झाला. त्याला वरूण राजाचीही साथ लाभली.यावेळी कार्यक्रमाच्या सुरुवातीलाच पावसाच्या हलक्या सरींनी हजेरी लावली. शक्तीचा जागर जिथे, तिथे सृष्टीही नतमस्तक होते असे काही चित्र मलकापूर कराडच्या पावन भूमीत पावसानेही या महिला मेळाव्याचे स्वागत केले.

        या महिला मेळाव्यासाठी मा.श्री अशोकराव थोरात, मा.श्री. प्रवीण जगताप, मा.सौ. शालिनीताई थोरात, मा. सौ. रोहिणी जगताप, मा.सौ.अरुणादेवी पाटील, मा.सौ स्वाती थोरात यांच्यासह अनेक मान्यवरांची विशेष उपस्थिती होती.

       कार्यक्रमाच्या सुरुवातीलाच सामाजिक,राजकीय शैक्षणिक, पत्रकारिता, वैद्यकीय अशा विविध क्षेत्रात उल्लेखनीय कार्य करणाऱ्या ५० सन्माननीय महिलांचा गौरव करण्यात आला..त्याचबरोबर २५० कष्टकरी महिलांना साडी देऊन सन्मानीत करण्यात आले.

     कार्यक्रमाचे प्रास्ताविक  महिला विकास मंचच्या कार्याध्यक्षा डॉ. स्वाती थोरात यांनी केले. यावेळी महिला मेळाव्याच्या निमित्ताने महिलांच्या कार्यकर्तुत्वांचा सन्मान नेहमीच श्री मळाई महिला विकास मंच करील असा आशावाद व्यक्त करीत महिलांनो स्वतःची ओळख जपा आपण कुणाची तरी मुलगी, पत्नी किंवा आई आहोतच, पण त्याआधी आपण एक स्वतंत्र व्यक्ती आहोत. आपले छंद आणि आपली स्वप्ने कधीही मरू देऊ नका असा आपुलकीचा संदेश  त्यांनी दिला.

        यासोबतच मा.प्रा.दिपक तडाके संचलित होम मिनिस्टर हा कार्यक्रम आयोजित कार्यकम,रंगतदार खेळ, गाणी,नृत्य व हास्यविनोदाने नटलेल्या या मेळाव्यात आकर्षक बक्षिसांची लयलूटही करण्यात आली.

      होम मिनिस्टर या कार्यक्रमातील प्रथम क्रमांकाच्या विजेत्यास मानाची पैठणी, द्वितीय क्रमांकासाठी सेमी पैठणी व तृतीय क्रमांकासाठी आकर्षक साडी व ४ ते २० क्रमांकासाठी आकर्षक लेदर हँड बॅग्ज देऊन त्यांना सन्मानित करण्यात आले.

      तसेच स्पॉट गेमसाठी १५ आकर्षक बक्षिसे व लकी ड्रॉ मधून आकर्षक  बक्षीस दिली गेली याशिवाय मेळाव्यात उपस्थित असलेल्या प्रत्येक महिलेस शिवाजी आप्पा सराफ यांच्याकडून भेटवस्तू व चांदीच्या खरेदीवर ५०० रुपये  कॅशबॅक कूपन दिले गेले त्या कुपनची मुदत अधिक -जेष्ठ महिना संपेपर्यंत असेल शिवाजी आप्पा सराफ च्या वतीने सांगण्यात आले.

     स्त्री शक्तीचा गौरव,आनंदाचा जल्लोष, होम मिनिस्टरचा खेळ व  बक्षिसांची लयलूट  असणाऱ्या या कार्यक्रमास जास्तीत जास्त संख्येने महिलांनी उपस्थिती लावली.यावेळी स्त्री ही घराचा कणा असते, पण आज तिने सिद्ध केले आहे की ती समाजाचाही मुख्य आधारस्तंभ आहे. जिजाऊंच्या संस्कारांतून आणि सावित्रीच्या कष्टांतून मिळालेला वारसा आपण पुढे नेत आहोत. आजची स्त्री चूल आणि मूल सांभाळून आकाशाला गवसणी घालत आहे, ही आपल्या सर्वांसाठी अभिमानाची गोष्ट आहे  याचे सर्व श्रेय श्री मळाई ग्रुप व श्री मळाई महिला विकास मंच यांच्या  महिला सक्षमीकरणासाठी  केल्या जाणाऱ्या प्रयत्नांना जाते असे  सहभागी स्पर्धेकांच्या वतीने  व्यक्त करण्यात आले.

 स्पर्धेतील विविध खेळ व त्यांचे विजेते

 1) होम मिनिस्टर 

  मानाची पैठणी  विजेत्या स्पर्धक- सौ.ज्योती देशमुख प्रथम क्रमांक (मलकापूर )

 होम मिनिस्टर सेमी पैठणी -द्वितीय क्रमांक विजेत्या स्पर्धक- सौ.स्मिता शिंदे (मलकापूर) 

 होम मिनिस्टर आकर्षक साडी तृतीय क्रमांक विजेत्या स्पर्धक -निलोफर मुजावर( मलकापूर )

 होम मिनिस्टर स्पर्धेतील सहभागी स्पर्धक व  लेदर हॅन्डबॅगचे विजेते 

सौ.प्रतीक्षा विशाल पवार,सौ.सुलताना रफिक सुतार,कु.प्रणिता कांबळे,सौ.अश्विनी लावंड,सौ.ज्योती कदम,सौ. सायली खरमाटे,सौ. मनीषा चव्हाण,सौ. प्रियांका कदम,सौ. लक्ष्मी कटकदौंड,सौ. शालन पाटील 

2) लकी ड्रॉ प्रथम क्रमांकाच्या विजेत्या- सौ. राजश्री रोहित मगदूम

लकी ड्रॉ द्वितीय क्रमांक -सौ.सायराबानू अकबर नदाफ

 लकी ड्रॉ तृतीय क्रमांक  -सौ.सुमन आनंदा दरागडे  

लकी ड्रॉ विजेत्या इतर विजेते स्पर्धक

सौ. रेखा रामचंद्र सावंत,सौ. सुजाता राजेंद्र भावके,सौ.मनीषा सुरज चव्हाण,सौ हेमा रामदास भोसले,शबिना रफिक शेख.

आदर्श प्राथमिक विद्यालय आगाशिवनगर येथे होळी सण मोठ्या उत्साहात साजरा करण्यात आला.

आदर्श प्राथमिक विद्यालय आगाशिवनगर येथे 'कचऱ्याची होळी'; स्वच्छतेचा संदेश देत सण उत्साहात साजरा..

कराड (प्रतिनिधी):

येथील आदर्श प्राथमिक विद्यालय आगाशिवनगर येथे होळीचा सण मोठ्या उत्साहात आणि सामाजिक भान जपत साजरा करण्यात आला. परंपरेला आधुनिकतेची जोड देत, विद्यार्थ्यांनी परिसरात गोळा केलेल्या कचऱ्याची होळी करून स्वच्छतेचा एक नवा आदर्श घालून दिला.

या स्तुत्य उपक्रमाचे व मुलांच्या कल्पकतेचे संस्थेचे सचिव मा. श्री. अशोकराव थोरात (भाऊ) तसेच संस्थेच्या सर्व संचालकांनी विशेष कौतुक केले आहे. विद्यालयाने राबवलेला हा उपक्रम पर्यावरणाच्या दृष्टीने अत्यंत महत्त्वाचा असल्याचे त्यांनी नमूद केले.

शाळेच्या प्रांगणात आयोजित या होळीचे पूजन मुख्याध्यापक श्री. सचिन शिंदे सर यांच्या हस्ते शास्त्रोक्त पद्धतीने पार पडले. यावेळी शाळेतील सर्व शिक्षक वृंद उपस्थित होता. कार्यक्रमाचे नियोजन अतिशय नेटकेपणाने करण्यात आले होते.

याप्रसंगी सौ. अश्विनी पाटील यांनी उपस्थित विद्यार्थ्यांना होळी सणाचे महत्त्व आणि त्यामागची पौराणिक कथा सांगितली. तसेच, सौ. प्राजक्ता पाटील यांनी या विशेष होळीची पूर्वतयारी आणि मांडणी अतिशय कल्पकतेने केली होती.

मुलांनी स्वतःहून कचरा गोळा करून त्याचे दहन केल्यामुळे 'स्वच्छ भारत' अभियानाला शाळेने आपला खारीचा वाटा उचलला आहे. शाळेच्या या अभिनव उपक्रमाचे पालकांमधून आणि परिसरातून मोठ्या प्रमाणावर कौतुक होत आहे.

       

             श्री रफिक सुतार सर 

आदर्श प्राथमिक विद्यालय आगाशिवनगर