श्री मळाई महिला विकास मंच आयोजित, - महिला मेळावा उत्साहात साजरा.

५५वा महिला मेळावा मलकापूर येथे  महिलांच्या उस्फुर्त सहभागाने संपन्न.

     मलकापूर मध्ये अवतरल्या  गौराई..

मलकापूर-

     श्री मळाईदेवी शिक्षण संस्था,श्री मळाईदेवी नागरी सहकारी पतसंस्था जखिणवाडी व श्री मळाई महिला विकास मंच मलकापूर यांचे संयुक्त विदयमाने मलकापूर, आगाशिवनगर पंचक्रोशीतील महिलांसाठी घेण्यात आलेला महिला मेळावा शनिवार दि. १३ सप्टेंबर २०२५ रोजी उत्साहात व महिलांच्या उस्फुर्त सहभागाने पार पडला. प्रमुख पाहुण्या  हेल्दी  मंगळागौर ग्रुप कराडच्या प्रमुख योगशिक्षिका मा. सौ. स्मिता हिम्मत वेल्हाळ,  कार्यक्रमाच्या अध्यक्षा उपनिबंधक सहकारी संस्था कराडच्या मा. श्रीमती अपर्णा यादव, मा. सौ.शालिनीताई थोरात (काकी), श्री मळाईदेवी नागरी सहकारी पतसंस्थेच्या माजी व्हाइस चेअरमन मा. सौ. अरुणादेवी पाटील श्री मळाई महिला विकास मंचच्या कार्याध्याक्षा डॉ. सौ. स्वाती रणजीत थोरात यांच्या उपस्थितीत पार पडला.

         कार्यक्रमाच्या पाहुण्या मा. सौ. स्मिता वेल्हाळ यांच्या हस्ते सरस्वती पूजन करण्यात आले.

       प्रास्ताविकपर भाषणात श्री मळाई महिला विकास मंचच्या कार्याध्यक्षा डॉ. सौ. स्वाती थोरात यांनी महिला मेळावा घेण्यामागचा उद्देश स्पष्ट करीत मळाई महिला विकास मंच नेहमीच महिला मेळाव्याचे आयोजन करून महिलाच्या कार्यकर्तृत्वाला प्रोत्साहन देणारच तसेच त्यांना आत्मनिर्भर करण्यासाठी नेहमी प्रयत्नशील राहील असे आश्वासन दिले.सुखाचे सण म्हणजेच मंगळागौर होय. या संस्कृतीचे आपणांस जतन करायचे आहे. यावेळी पिंगळ्याच्या गाण्यातून विरोधाभास वाटत असला तरी त्यामधून नात्यांची  जपणूक कशी करावी हे सांगितले आहे असे मत व्यक्त केले.

     यावेळी हेल्दी मंगळागौर ग्रुप कराडच्या प्रमुख मा. सौ. स्मिता वेल्हाळ यांचे मार्गदर्शनाखाली मंगळागौर कार्यक्रम संपन्न झाला. यामध्ये श्री मळाईदेवी शिक्षण संस्थेच्या सर्व शाखांमधील शिक्षिका महिला पालक यांनी वेगवेगळे गीतांवर उत्कृष्ट नृत्य सादर करून कार्यक्रमांमध्ये बहार आणली. यामध्ये गणेश वंदनापासून ते गौरी गणपतीच्या विविध  गाण्यांवर नृत्य सादरीकरण करून उपस्थितांची वाहवा मिळवली. यावेळी मळा ई महिला विकास मंचच्या वतीने सहभागी महिलांना भेट वस्तूंचे वाटप करण्यात आले.

           या महिला मेळाव्याचे वैशिष्ट्य म्हणजे सर्व शाळेतील शिक्षिका, महिला पालक वर्ग यांनी मोठ्या संख्येने भाग घेऊन या महिला मिळवणारे खऱ्या अर्थाने  कोणत्याही क्षेत्रात कमी नसतात हे या निमित्ताने अधोरेखित केले. तसेच महिलांच्या कर्तृत्वाला कोणतेही प्रकारचे सीमा नसते यांचे उत्तम उदाहरण म्हणजे  घराला घरपण देणारी महिला अर्थात गृहिणी ते आपले आवडते छंद तितक्याच ताकदीने जोपसणारी कलारसिक, कलाउपासक असा तिचा कल  असेच काही चित्र या महिला मेळाव्याच्या निमित्ताने दिसून आले.

         कार्यक्रमाचे सूत्रसंचालन प्रा. सौ.शीला पाटील,  प्रा. सौ. सुरेखा खंडागळे यांनी केले तर आभार माजी व्हाईस चेअरमन मा.सौ अरुणादेवी पाटील यांनी मानले. 

     कार्यक्रमाच्या यशस्वीतेसाठी श्री मळाई महिला विकास मंचच्या सर्व सदस्या, सर्व शिक्षिका, शिक्षक, शिक्षकेतर कर्मचारी यांनी विशेष परिश्रम घेतले. महिलांच्या विकासासाठी व त्यांच्यातील सुप्त  कलागुणांना वाव देण्यासाठी श्री

 मळाई महिला विकास मंचने आयोजित केलेल्या या महिला मेळाव्याचे महिला पालक वर्गामध्ये विशेष कौतुक होत आहे..

आदर्श ज्ञानसंकुलात 'विद्यार्थी शिक्षक दिन साजरा..

*आदर्श ज्ञानसंकुलनात‌ शिक्षक दिनाचे औचित्य साधून विद्यार्थी -पालक स्वयंशासन दिन उत्साहात साजरा* 

     गुरुविना ना मिळे ज्ञान ज्ञानाविना ना जगी सन्मान या उक्तीप्रत विद्यार्थ्यांना शिक्षण आणि शिक्षकांची महती प्रत्यक्ष अनुभवता यावी.अध्ययन- अध्यापन,शालेय प्रशासन यांविषयी अनुभव घेता यावा यासाठी ५ सप्टेंबर डॉ. सर्वपल्ली राधाकृष्णन यांच्या जयंती दिनाचे औचित्य साधून शिक्षक दिनी आदर्श प्राथमिक विद्यालय व शिशु विहार आगाशिवनगरमध्ये विद्यार्थी- पालक स्वयंशासन दिनाचे आयोजन करण्यात आले.

     शिक्षण ही निरंतर चालणारी प्रक्रिया असून शिक्षक हेच सक्षम व संस्कारक्षम नवभारताचे भाग्यविधाते आहेत.आजच्या विद्यार्थी केंद्रितअध्ययन-अध्यापन शास्त्रातील सर्व बारकावे विद्यार्थ्यांना जवळून पाहता यावेत.यासाठी विद्यालयात आयोजित केलेल्या स्वयंशासन दिनामध्येअभिरूप मुख्याध्यापक -अनय बोधे ,अभिरूप उपमुख्याध्यापिका- अनघा काकडे ,लेखनिक -गौरव शेलार ,कु.समीक्षा मोहने,परिचर म्हणून - इंद्रजित भिसे ,आरव कांबळे ,राजवीर घोरपडे यांनी संपूर्ण दिवस शालेय प्रशासन शिस्तबद्धरीत्या चालवले.अनेक विद्यार्थ्यांनी शिक्षकांची भूमिका साकारून विविध घटकांचे अध्यापन करून कला ,क्रीडा, साहित्य ,खेळ,प्रयोग प्रात्यक्षिकांच्या तासिका घेऊन विद्यार्थ्यांना अध्यापन केले. 

        दुपार सत्रामध्ये ,स्वयंशासन दिनाचा समारोप समारंभ आयोजित करण्यात आला यावेळी सौ सविता भाष्टे,सौ उर्मिला साबळे ,सौ लक्ष्मी कणसे सौ स्नेहल घारे सौ. कोमल पाटील ,सौ अनिता कुंभार,सौ वैशाली जाधव,सौ.आरती देशमुख, सौ. विद्याश्री शेतमंदी,सौ. स्नेहल घारे ,श्री.दिगंबर सुतार ,श्री.श्रीकांत नरूले,श्री.तानाजी शिंदे,श्री.महेश मगरे तसेच विद्यालयाचे मुख्याध्यापक-श्री. सचिन शिंदे, आदर्श शिशु विहारच्या मुख्याध्यापिका श्रीमती-लता नलवडे यांची प्रमुख उपस्थिती होती. यावेळी विद्यालयातील सर्व शिक्षकवृंद व शिक्षकेत्तर कर्मचाऱ्यांचा सत्कार करण्यात आला. तद्नंतरअभिरूप शिक्षक-शिक्षिका,अभिरूप मुख्याध्यापक,उपमुख्याध्यापक व विद्यार्थ्यांनी आपले अनुभव कथन केले.यावेळी मा.रफिक सुतार ,मा. वैभव शिर्के ,मा.सोपान जगताप ,सौ.रुपाली कुंभार, सौ.प्राजक्ता पाटील ,सौ.अश्विनी पाटील,सौ.रंजना कांबळे,सौ.नंदा पानवळ, सौ.शबाना मुल्ला, सौ.सायराबानू नदाफ ,सौ.वनिता कुंभार ,कु.आकांक्षा झुमूर ,सौ.शितल भिसे,सौ.मेघा भाटे ,सौ.शोभा मोरे ,सौ.दिपाली रेठरेकर सौ.वैशाली शिंदे, श्री.संग्राम काकडे यांचेसह विद्यार्थी व पालक मोठ्या संख्येने उपस्थित होते.

कार्यक्रमाचे सुत्रसंचालन कु. अनघा काकडे हिने केले तर गौरव शेलार याने आभार मानले. अशाप्रकारे स्वयंशासन दिनमोठ्या उत्साही वातावरणामध्ये संपन्न झाला.

     संस्थेचे सचिव मा. अशोकराव थोरात (भाऊ) .अध्यक्ष मा.पांडुरंग पाटील ,उपाध्यक्ष मा.भास्करराव पाटील ,खनिजदार- मा.तुळशीराम शिर्के ,संचालिका डॉ. स्वाती थोरात व संचालक-मा.वसंतराव चव्हाण यांनी विद्यालयाच्या या उपक्रमाचे कौतुक केले.

श्री मळाईदेवी शिक्षण संस्था - शिक्षक दिन

श्री मळाईदेवी शिक्षण संस्था - शिक्षक दिन 

भारताचे भूतपूर्व राष्ट्रपती, थोर विचारवंत, ज्ञानाचा दीप लावून अज्ञानाचा अंध:कार दूर करणारे संस्काराची शिदोरी देणारे व यशस्वी जीवनाचा मार्ग दाखविणारे समाजाला योग्य दिशा दाखवणारे शिक्षक डॉ. सर्वपल्ली राधाकृष्णन यांचा जन्मदिन व सामाजिक परिवर्तनाचे प्रेरणास्थान असलेल्या गुरुजनांचा सत्कार समारंभ डॉ. सर्वपल्ली राधाकृष्णन् जयंती शिक्षक दिन समारंभ गुरुवार दिनांक ४ सप्टेंबर २०२५ रोजी आदर्श जुनिअर कॉलेज मलकापूर येथे मोठ्या उत्साहात संपन्न झाला. यावेळी कार्यक्रमाचे अध्यक्ष शेती मित्र अशोकराव थोरात यांनी हे मत व्यक्त केले. यावेळी बोलताना त्यांनी नवीन शैक्षणिक धोरणाची सर्व उपस्थित शिक्षक बांधवांना माहिती करून दिली. शिक्षण क्षेत्रातील शिक्षकांनी सातत्याने वाचन करावे तसेच शिक्षकांनी शेवटच्या श्वासापर्यंत समाज प्रबोधन करावे असे शिक्षकांना त्यांनी आवाहन केले. तसेच शिक्षकांना शिक्षक दिनाच्या हार्दिक शुभेच्छा देत डॉ. सर्वपल्ली राधाकृष्णन यांच्या जीवनातील कर्तुत्वाचे दाखले देत शिक्षकांनीही त्यांच्या विचारांचा वारसा पुढे तेवत ठेवण्याचे महत्त्वपूर्ण कार्य अखंडितपणे सुरू ठेवावे असे यावेळी आवाहन केले.

         यावेळी डॉ.सर्वपल्ली राधाकृष्णन यांच्या प्रतिमेचे पूजन प्रमुख पाहूणे डॉ. राजेंद्र कंटक यांचे शुभहस्ते व प्रमुख मान्यवरांच्या उपस्तिथीत करण्यात आले.

         यावेळी प्रमुख पाहुणे डॉ. राजेंद्र कंटक, प्रमुख पाहुणे चेअरमन श्री मळाईदेवी नागरी सहकारी पतसंस्था जखिणवाडी मा.अजित थोरात, संस्थेच्या मार्गदर्शक संचालिका डॉ. सौ. स्वाती थोरात, संस्थेचे अध्यक्ष मा. पांडुरंग पाटील, उपाध्यक्ष मा.भास्करराव पाटील, खजिनदार मा. तुळशीराम शिर्के,संचालक वसंतराव चव्हाण, संचालक मा.प्रा. संजय थोरात,सौ शालिनीताई थोरात, मारुती सुझुकीच्या मा. सेजल अग्रवाल तसेच व्हा.चेअरमन मा. चंद्रकांत टंकसाळे, माजी व्हाईस चेअरमन सौ.अरुणादेवी पाटील विद्यमान संचालिका सौ.उज्वला पाटील, शाखाप्रमुख मा. सर्जेराव शिंदे यांची प्रमुख उपस्थिती होती.

         प्रास्ताविकपर भाषणात डॉ.सौ. स्वाती थोरात यांनी डॉ. सर्वपल्ली राधाकृष्णन यांच्या शिक्षण क्षेत्रातील कार्याचे वर्णन केले. शिक्षक समाज घडवतो, परिवर्तन घडवतो, चारित्र्य घडवण्यासाठी ज्ञान देतो.समाजाची घडी बसवायची असेल तर शाळा एक हे एकच माध्यम आहे. व्यक्तिमत्व घडवण्याचे,समाज उभारण्याचे काम शिक्षकच करतो.राष्ट्र घडवण्याची जबाबदारी शिक्षकावर आहे ते आपण यंत्रमानवावर सोपवू शकत नाही असे मत सद्यस्थितीतील येऊ घातलेल्या शिक्षण क्षेत्रातील एआय तंत्रज्ञानाविषयी आपले परखड मत व्यक्त केले.

          कार्यक्रमाचे प्रमुख पाहुणे डॉ. राजेंद्र कंटक यांनी शिक्षण क्षेत्रातील शिक्षकांची आजची शोकांतिका सांगत शिक्षक विद्यार्थ्यांसाठी आवश्यक भूमिका पार पाडत असतात.त्याचबरोबर ज्ञानाबरोबर संस्कार करत असतात विद्यार्थी दशेमध्ये शिक्षकांनी दिलेल्या शिक्षेमुळेच आज मी यशस्वी झालो असे मत व्यक्त करीत त्यांनी शिक्षकांविषयी कृतज्ञता व्यक्त केली.तसेच शिक्षण क्षेत्रातील शिक्षकांचे महत्त्व सूर्याप्रमाणे नेहमीच तळपत राहील असे मत त्यांनी यावेळी व्यक्त केले.

       कार्यक्रमाचे प्रमुख पाहुणे मा.अजित थोरात यांनी डॉ. सर्वपल्ली राधाकृष्णन जयंती समारंभ अर्थात शिक्षक दिनाच्या निमित्ताने सर्व शिक्षक शिक्षिका बंधू आणि भगिनींना शिक्षक दिनाच्या हार्दिक शुभेच्छा दिल्या व अखंडपणे अशा स्वरूपाच्या कार्यक्रमासाठी पुढाकार घेऊन शिक्षकांचे काम समाजापर्यंत पोहोचवण्याचं काम आम्ही सदैव करत राहू असे आश्वासन यावेळी त्यांनी दिले.

          यावेळी शिक्षक प्रतिनिधी प्राध्यापिका प्रतीक्षा पवार, सहाय्यक शिक्षिका भाग्यश्री सिंदूर, सहाय्यक शिक्षक श्री.राहुल माने यांनी आपले मनोगत व्यक्त केले.

      तसेच मारुती सुझुकीच्या अग्रवाल यांनी आपले मनोगत व्यक्त करीत सर्व शिक्षक बांधवांना शिक्षक दिनाच्या हार्दिक शुभेच्छा दिल्या व यावेळी मारुती सुझुकी च्या वतीने नवीन वाहनांचे लॉन्चिंग प्रमुख मान्यवरांच्या शुभहस्ते करण्यात आले यावेळी शिक्षकांसाठी खास सवलत त्यांनी मनोगतातून जाहीर केली.

      यावेळी श्री मळाईदेवी शिक्षण संस्थेच्या सर्व शाखा मधील शिक्षकवृंद तसेच मलकापूर, कराड पंचक्रोशीतील शिक्षक, शिक्षिका, आजी-माजी शिक्षक, शिक्षिका यांची उपस्थिती होती. श्री मळाईदेवी नागरी सहकारी पतसंस्था यांचे वतीने शिक्षक दिनाच्या औचित्य साधून शिक्षकांच्या कार्याचा गुणगौरव म्हणून सर्व उपस्थित शिक्षकांचा सत्कार यावेळी करण्यात आला व शिक्षकांविषयी त्यातून कृतज्ञता व्यक्त करण्यात आली.

        संगीत शिक्षक मा. शरद तांबवेकर सर त्यांच्या वाद्यवृंद विभागाने मन की विणा से गुंजीत ध्वनी मंगलम,स्वागतम स्वागतम हे स्वागत गीत व भेटला विठ्ठल अशी गीते सादर उपस्थित सर्वाना मंत्रमुग्ध केले.

        कार्यक्रमाच्या यशस्वीतेसाठी श्री. मळाईदेवी नागरी सहकारी पतसंस्थेच्या सर्व शाखातील शाखाप्रमुख त्यांचे सर्व सहकारी यांनी विशेष परिश्रम घेतले.

           कार्यक्रमाचे सूत्रसंचालन प्रा.सौ. शीला पाटील, प्रा. सौ. सुरेखा खंडागळे यांनी केले तर आभार श्री मळाईदेवी नागरी सहकारी पतसंस्थेच्या माजी व्हाईस चेअरमन अरुणादेवी पाटील यांनी केले.

      श्री मळाईदेवी शिक्षण संस्था व श्री मळाईदेवी नागरी सहकारी पतसंस्थेच्या वतीने दरवर्षी आयोजित केला जाणारा शिक्षक दिनाचा कार्यक्रम व त्या अनुषंगाने शिक्षक बांधवांचा केला जाणारा यथोचित सत्कार यामुळे शिक्षकवर्गातून या उपक्रमाचे कौतुक होत आहे.

भव्य मलकापूर रोडरेस स्पर्धा २०२५

भव्य मलकापूर रोडरेस स्पर्धा २०२५ मलकापूर येथे क्रीडामय वातावरणात संपन्न...

        स्पर्धेला खेळाडूंचा उत्स्फूर्त  प्रतिसाद...

मलकापूर-

           श्री मळाईदेवी  शिक्षण संस्था लायन्स क्लब कराड सिटी व आदर्श क्रीडा संस्था कराड यांच्या संयुक्त विद्यमाने भव्य मलकापूर रोड स्पर्धा शनिवार दिनांक २३ऑगस्ट २०२५ रोजी मलकापूर येथे क्रीडामय वातावरणात संपन्न झाल्या. यावेळी स्पर्धेचे उद्घाटन प्रमुख पाहुणे चेअरमन श्री मळाईदेवी नागरी सहकारी पतसंस्था मा. अजितकाका थोरात, लायन्स क्लब अध्यक्ष मा. लायन शशिकांत पाटील यांच्या शुभहस्ते व श्री मळाईदेवी शिक्षण संस्थेचे सचिव शेतीमित्र मा.अशोकराव थोरात भाऊ, लायन क्लब लायन्स क्लब कराड सिटी सचिव लायन मा. अनिल पाटील, खजिनदार लायन  मा.ॲड. दिग्विजय पाटील,एमजेफ कॅबिनेट ऑफिसर लायन डॉ.महेश खुस्पे, एमजेएफ झोन चेअरमन लायन मा.मंजिरी खुस्पे, कॅबिनेट युथ लायन मा. विद्या मोरे,एमजेफ मा. सुशांत वाव्हळ,मा.सौ.मीनल पाटील संचालक श्री,मळाईदेवी शिक्षण संस्था मा.प्रा.संजय थोरात मा.वसंतराव चव्हाण,उद्योजक मा. मुदस्सर मोमीन,लायन पियुष गोर,लायन मा.दिलीप जगताप, लायन मा. सुनिता पाटील,लायन मा.मनीषा भोसले, लायन मा. कांचन सोळवंडे, यांच्या प्रमुख उपस्थितीमध्ये स्पर्धेचा शुभारंभ करण्यात आला.

         यावेळी श्री मळाईदेवी शिक्षण संस्थेचे सचिव शेतीमित्र मा.अशोकराव थोरात यांनी उपस्थित सर्व खेळाडूंना स्पर्धेसाठी शुभेच्छा देत  स्पर्धेत यश अपयश येत असते. पण खेळ हा जीवनाचा अविभाज्य घटक असला पाहिजे.आपण सातत्याने खेळाला वेळ देऊन आपली शारीरिक तंदुरुस्ती टिकवली पाहिजे तसेच ध्येय चिकाटी व सातत्य ठेवून खेळामध्ये अव्व्ल स्थान प्राप्त करण्यासाठी प्रयत्न केले पाहिजेत असे मत यावेळी व्यक्त केले.तसेच लायन्स क्लब कराड सिटीचे अध्यक्ष लायन मा. शशिकांत पाटील यांनी या स्पर्धेचे निमित्ताने खेळाडूंना एक चांगले व्यासपीठ उपलब्ध करून दिले याबद्दल त्याचे व त्यांचे सर्व पदाधिकारी यांचे कौतुक केले व अशा सर्व उपक्रमांना श्री मळा ईदेवी शिक्षण संस्था व मळा ई ग्रुप मधील सर्व संस्थांची नेहमी साथ राहील असे आश्वासन यावेळी दिले.

         यावेळी  लायन्स क्लब कराड सिटीचे अध्यक्ष लायन मा. शशिकांत पाटील यांनी लायन्स च्या माध्यमातून राबविल्या जात असलेल्या उपक्रमांबद्दल माहिती देत खेळाडूंसाठी आदर्श क्रीडा संस्थेच्या माध्यमातून श्री मळाईदेवी शिक्षण संस्था करत असलेल्या प्रयत्नाबद्दल संस्थेचे कौतुक करीत खेळाडूंनी मिळालेल्या संधीचे सोने करावे व यातूनच चांगले खेळाडू तयार होतील जे भविष्यामध्ये कोणत्या ना कोणत्या स्पर्धेमध्ये चमकतील असा आशावाद व्यक्त केला.तसेच यापुढेही लायन्स क्लब कराड सिटी व श्री मळाईदेवी शिक्षण संस्थेच्या वतीने संयुक्तरित्या क्रीडा स्पर्धेचे आयोजन करून  खेळाडूंना  चांगले व्यासपीठ उपलब्ध करून दिले जाईल तेव्हा भविष्यात खेळाडूंनी या संस्थांच्या उपक्रमामध्ये भाग घेऊन आपले कौशल्य सिद्ध करावे असे मत यावेळी व्यक्त केले. सदर स्पर्धेत सहभागी झालेल्या व विजेत्या खेळाडूंना लायन्स क्लब कराड सिटीच्या सर्व पदाधिकारीच्या वतीने शुभेच्छा दिल्या.

       यावेळी श्री मळाईदेवी शिक्षण संस्थेच्या  कन्याशाळेच्या मुख्याध्यापिका सौ. सुलोचना भिसे,आदर्श ज्युनिअर कॉलेजच्या प्राचार्या सौ.अरुणा कुंभार,आदर्श ज्युनिअर कॉलेजच्या विभागप्रमुख सौ. शीला पाटील, मुख्याध्यापिका सौ.ज्योती शिंदे,स्टार इंग्लिश मीडियम स्कूलच्या प्राचार्या सौ. लता जाधव तसेच  क्रीडाप्रेमी पालक, पत्रकार व खेळाडू मोठ्या संख्येने उपस्थित होते.

           यावेळी सर्व मान्यवरांच्या उपस्थितीत स्पर्धेतील प्रथम पाच क्रमांक विजेत्या  खेळाडूंचा बक्षीस वितरणाचा कार्यक्रम श्री मळाईदेवी शिक्षण संस्था,लायन्स क्लब कराड सिटी व आदर्श क्रीडा संस्थेचे सर्व पदाधिकारी  यांच्या उपस्थितीत संपन्न झाला.  यावेळी सर्व विजेत्या खेळाडूंना आकर्षक ट्रॉफी, मेडल्स, प्रशस्तीपत्र व रोख रक्कम देऊन सन्मानित करण्यात आले. तसेच उपस्थित सर्व खेळाडू व सहभागी खेळाडू या तिन्ही संस्थांच्या वतीने व उद्योजक मुद्दस्सर मोमीन यांचे वतीने खाऊ चे वाटप करण्यात आले.स्पर्धेसाठी उपस्थित सर्व मान्यवरांचे शाल व श्रीफळ देऊन स्वागत करण्यात आले.

      यावेळी कार्यक्रमाचे सूत्रसंचालन क्रीडा शिक्षिका सौ. सविता पाटील यांनी केले तर आभार क्रीडा शिक्षक श्री.योगेश खराडे यांनी मानले.

         तसेच स्पर्धा यशस्वी करण्यासाठी आदर्श क्रीडा संस्थेचे सचिव श्री.जगन्नाथ कराळे, उपाध्यक्ष श्री. जयवंत पाटील सर्व शाळांचे मुख्याध्यापक, शिक्षक, शिक्षकेतर कर्मचारी व लायन्स क्लब कराड सिटी पदाधिकारी यांनी विशेष परिश्रम घेतले.

 *भव्य मलकापूर स्पर्धेचा निकाल पुढीलप्रमाणे  ----* 

 *वयोगट ६वर्ष मुले-(५०० मी धावणे)*

 रुद्राश रमेश येडगे (प्रथम)

 आयुष्य दीपक टोकले (द्वितीय) स्वराज विक्रम हेडगे (तृतीय )

श्रीराज महेंद्र पाटील (चतुर्थ )

आयुष अक्षय चव्हाण( पंचम)

 *वयोगट ६ वर्ष मुली( ५०० मीटर)*

 इशिता गणेश येडगे (प्रथम) 

धनुष शंतनू पाटील( द्वितीय)

 वैदयी वैभव देवकर (तृतीय) राजप्रिया वैभव पुजारी (चतुर्थ )

मनस्वी अक्षय डाळे ( पंचम)

 *वयोगट ८ वर्ष मुले (१ कि.मी)-* 

आदर्श शशिकांत येडगे( प्रथम) रविराज राजेश शिंदे ( द्वितीय) हर्षवर्धन विक्रम पवार (तृतीय)

 अनुज बापूराव येडगे (चतुर्थ)

 विराज माणिक पाटील व प्रणिल सुहास नारकर ( पंचम)

 *वयोगट ८ वर्ष मुली (१ कि.मी)* 

सिद्धी अविनाश खबाले( प्रथम) 

 रिद्धी अविनाश खबाले (द्वितीय) प्रांजल सचिन येडगे (तृतीय) राजनंदिनी वैभव पुजारी (चतुर्थ) शिवांजली रामदास शिंदे (पंचम)

  *वयोगट१०वर्ष मुले(२कि.मी)* 

 आर्य विजय थोरात( प्रथम)

 सार्थक महेश काशीद( द्वितीय )

इंद्रसेन मयूर पाटील (तृतीय)

 समर्थ  कुमार पाटील (चतुर्थ)

 यश सुधीर मोरे (पंचम)

   *वयोगट १० वर्ष मुली (१ कि.मी )* 

 ईश्वरी मकरंद मुळे( प्रथम )

आराध्या अनिल गरुड( द्वितीय) आदिती अशोक घारे (तृतीय)

 सिद्धी विजय घाडगे (चतुर्थ)

 शिवन्या सचिन कांबळे( पंचम)

 *वयोगट १२वर्षे मुले (२. ५कि.मी.)*

 समर्थ धनंजय सुर्वे (प्रथम)

 कैवल्य अमित उमरजकर( द्वितीय) जयंत तानाजी पाटील (तृतीय) यशराज संदीप कांबळे( चतुर्थ )

आर्यन संदीप माने (पंचम)

 *वयोगट १२वर्ष मुली (२कि.मी )* 

ईश्वरी लक्ष्मण गरुड (प्रथम )

स्वराली विनोद पाटील (द्वितीय) कणक  मिलिंदकुमार शिंदे (तृतीय) भूमि हरिदास माने (चतुर्थ)

त्रिशा संदीप शिर्के (पंचम) 

  *वयोगट १४वर्ष मुले (३ कि.मी)* श्रवण उदय साळुंखे (प्रथम)

राज दिपक यादव (द्वितीय) 

शंभू रघुनाथ येडगे( तृतीय )

श्रीकृष्ण दिलीप तगारे (चतुर्थ) सत्यजित सचिन गायकवाड (पंचम)

 *वयोगट १४ वर्षे मुली(२.५ कि.मी)* 

 अबोली नंदकुमार वास्के (प्रथम) आराध्या माणिक वास्के (द्वितीय) श्रेया संजय गोंडाळ (तृतीय) 

अनुश्री संग्राम काळे( चतुर्थ )

जान्हवी राजेंद्र पाटील (पंचम)

टोकाची बुद्धिमत्ता असणारा वर्ग म्हणजे श्री मळाई शिष्यवृत्ती धारक विद्यार्थी -- शेतीमित्र मा.अशोकराव थोरात भाऊ श्री मळाई शिष्यवृत्ती २०२४-२५ परीक्षेचा निकाल जाहीर.

टोकाची बुद्धिमत्ता असणारा वर्ग म्हणजे श्री मळाई शिष्यवृत्ती धारक विद्यार्थी -- शेतीमित्र मा.अशोकराव थोरात भाऊ

        श्री मळाई शिष्यवृत्ती २०२४-२५ परीक्षेचा निकाल जाहीर...

     मलकापूर -

        श्री मळाईदेवी शिक्षण संस्थेच्या श्री मळाई शिष्यवृत्ती परीक्षा मंडळाच्या वतीने इयत्ता ५ वी व ८ वी शिष्यवृत्ती परीक्षेच्या तयारीच्या दृष्टीने इयत्ता ४थी व ७ वी च्या स्तरावर घेण्यात येणाऱ्या श्री मळाई शिष्यवृत्ती परीक्षा २०२४-२५ चा निकाल जाहीर करण्यात आला यावेळी शिष्यवृत्तीधारक विद्यार्थी व पालक यांच्या सत्कार समारंभ कार्यक्रमात शेतीमित्र मा. अशोकराव थोरात यांनी हे मत व्यक्त केले. यावेळी त्यांनी आपल्या मनोगतात संस्थेतील विद्यार्थी, विद्यार्थिनींच्या गुणवत्ता वाढीसाठी राबवण्यात येणाऱ्या उपक्रमांचा आढावा घेत विद्यार्थी घडविण्यामागे शाळा,शाळेतील शिक्षक, आपल्या पाल्यांना संस्कारक्षम बनवण्यासाठी धडपडणारे पालक यांच्यामुळेच शाळा व संस्थेचे नाव उज्ज्वल होत आहे. सामान्य कुटुंबातील मुले,मुली उच्च दर्जाच्या शिक्षणासाठी पात्र होत आहे हे डॉ.स्वाती थोरात यांनी ५ वर्षापूर्वी सुरु केलेल्या श्री मळाई शिष्यवृत्ती परीक्षेचे यश आहे. तसेच ज्यांना क्रीम लेवल म्हणजे टोकाची बुद्धिमत्ता असणारे श्री मळाईदेवी शिक्षण संस्थेचे विद्यार्थी, पालक त्यांना मार्गदर्शन करणारे शिक्षक यांचा चांगला संयोग कार्यक्रमाच्या निमित्ताने आज घडून आला असून स्पर्धा परीक्षेचे मार्गदर्शन करून त्यांना धारक होण्यासाठी उत्तम प्रशिक्षण देणारा शिक्षक वर्ग हे सर्व आज यां कौतुकास पात्र आहेत.

           यावेळी संस्थेचे सचिव शेतीमित्र अशोकराव थोरात भाऊ,प्रमुख पाहुणे शिवशंकर ज्वेलर्स कराडचे अविनाश जगताप,मा. प्रियांका जगताप.मलकापूर केंद्राचे केंद्रप्रमुख मा.गणेश जाधव, सौ.शालिनीताई थोरात ( काकी ) संचालक वसंतराव चव्हाण,पथक पर्यवेक्षण प्रमुख आर. ए. कुंभार सर, मा. चंद्रकांत कुंभार, चव्हाण सर, मोहिते सर, नीट परीक्षा पात्र विद्यार्थिनी सिद्दिका मुर्सल,मा. गणेश पवार,,दैनिक पुण्यनगरीचे मा. अतुल काकडे, हितचिंतक पालक, विद्यार्थी व विद्यार्थिनी मोठ्या संख्येने उपस्थित होत्या.

      यावेळी कार्यक्रमाचे प्रास्ताविक मुख्याध्यापिका सौ. सुलोचना भिसे यांनी केले.त्यांनी संस्थेच्या मार्गदर्शक संचालिका डॉ. स्वाती थोरात याच्या मार्गदर्शनानुसार सुरु झालेले श्री मळाई शिष्यवृत्ती परीक्षा मंडळ व त्याचे कामकाज, परीक्षा घेण्यामागचा हेतू याविषयी उपस्थितांना मार्गदर्शन केले.

         कार्यक्रमाच्या प्रमुख पाहुण्या सौ. प्रियांका जगताप शिवशंकर ज्वेलर्स कराड यांनी यावेळी संस्थेच्या उपक्रमांना शुभेच्छा देत श्री मळाई शिष्यवृत्ती परीक्षेतील धारक विद्यार्थी विद्यार्थिनी यांचे कौतुक केले. विद्यार्थ्याचे अथक परिश्रम, पालक सहकार्य व त्या सर्वांना मिळणारे संस्थेचे आर्थिक आणि बौद्धिक पाठबळ या सर्वांच्या बळावर विद्यार्थ्यांनी हे यश प्राप्त केले असे मत यावेळी त्यांनी व्यक्त केले, तसेच गुणवंत विद्यार्थी हेच संस्थेचे खरे सोने असून त्याला झळाळी देण्याची काम श्री मळाईदेवी शिक्षण संस्थेच्या वतीने होत आहे याचा आम्हाला सार्थ अभिमान आहे तसेच श्री मळाई शिष्यवृत्ती परीक्षा ही शिष्यवृत्तीचा पथदर्शी उपक्रम आहे

 असे मत यावेळी त्यांनी व्यक्त केले

            यावेळी कार्यक्रमाचे अध्यक्ष मा. भगवानराव पवार यांनी विद्यार्थ्यांना शुभेच्छा देत संस्थेच्या विविध उपक्रमांच्या माध्यमातून विद्यार्थ्यांच्या सर्वांगीण विकासासाठी संस्था व संस्थेच्या सर्व शाखेतील शिक्षक वृंद नेहमीच अग्रेसर असतात त्यामुळे आज आपण ज्यांच्या सत्कारासाठी उपस्थित आहोत. शिष्यवृत्तीधारक विद्यार्थी संस्थेच्या इतिहासातील दखलपात्र घटक आहेत तसेच त्यांचे भविष्य उज्ज्वल आहे असे मत त्यांनी यावेळी व्यक्त केले.

             यावेळी केंद्रप्रमुख मलकापूर मा.गणेश जाधव, नीट परीक्षा धारक विद्यार्थिनी सिद्धीका मुर्सल, मा. चंद्रकांत कुंभार, प्राचार्या सौ. अरुणा कुंभार यांचीही भाषणे झाली व त्यांनी आपल्या मनोगतातून सर्व यशस्वी विद्यार्थी विद्यार्थिनी यांचे कौतुक केले व संस्थेचे उपक्रमाला शुभेच्छा दिल्या.

       

         कार्यक्रमाचे सूत्रसंचालन सौ. सविता कोळी व सौ.कविता थोरात यांनी तर आभार सौ. करुणा शिर्के यांनी मानले.

      श्री मळाई शिष्यवृत्ती परीक्षा २०२४-२५ चा निकाल पुढीलप्रमाणे----

   इयत्ता ७वी (मराठी माध्यम )

कु.आर्या पवार- प्रथम क्रमांक -कन्या शाळा मलकापूर 

चि. वरदराज शिंदे -द्वितीय- आनंदराव विद्यालय पोतले.

कु.जान्हवी संदीप मोरे तृतीय -आ. च विद्यालय मलकापूर.

कु. संस्कृती धनंजय गरुड उत्तेजनार्थ आ.च.विद्यालय पोतले.

कु.वेदिका विनोद गरुड उत्तेजनार्थ आ. च. विद्यालय पोतले 

कु. स्वस्ती दादासो देशमुख उत्तेजनार्थ कन्याशाळा मलकापूर

 ४थी (मराठी माध्यम )

चि.अंशुल सुरेश शिंदे-- प्रथम- आदर्श प्राथमिक आगाशिवनगर 

चि.मंथन मयूर गरुड -द्वितीय- आदर्श प्राथमिक आगाशिवनगर

कु. त्रिशा संदीप शिर्के तृतीय आदर्श प्राथमिक मलकापूर 

चि.विराज किशोर पाटील उत्तेजनार्थ आदर्श प्राथमिक आगाशिवनगर

चि. श्रेयस सचिन चव्हाण उत्तेजनार्थ आदर्श प्राथमिक आगाशिवनगर..

 इयत्ता ७वी ( इंग्रजी माध्यम)

कु. सबा समीर डांगे प्रथम --स्टार इंग्लिश मीडियम अँड जुनिअर कॉलेज मलकापूर

चि. धैर्यशील प्रभाकर शिंदे द्वितीय-- स्टार इंग्लिश मीडियम स्कूल व ज्युनिअर कॉलेज मलकापूर.

चि. समर्थ सुरेंद्र गुरव उत्तेजनार्थ -स्टार इंग्लिश मीडियम स्कूल अँड ज्युनिअर कॉलेज मलकापूर.

 इयत्ता ४थी (इंग्रजी माध्यम )

कु.अनुश्री आनंदा साळुंखे प्रथम-- स्टार इंग्लिश मीडियम अँड ज्युनियर कॉलेज मलकापूर 

विश्वराज गणेश पवार -प्रथम- स्टार इंग्लिश मीडियम अँड ज्युनिअर कॉलेज मलकापूर 

कु.आराध्या सुनील वाळके उत्तेजनार्थ स्टार इंग्लिश मीडियम अँड ज्युनिअर कॉलेज मलकापूर.

       

     यावेळी मागील शिष्यवृत्तीधारक विद्यार्थी विद्यार्थिनी यांना शैक्षणिक वर्ष २०२५ -२६ मधील एक हजार रुपयाच्या धनादेशाचे वितरण ही मान्यवरांच्या उपस्थितीत करण्यात आले.

वरिष्ठ वेतनश्रेणी प्रशिक्षण 2025

यशवंत हायस्कूल कराड या ठिकाणी वरिष्ठ वेतनश्रेणी प्रशिक्षण 2 जून ते 12 जून 2025 या दरम्यान संपन्न झाली सदर प्रशिक्षणाचे समन्वयक म्हणून माननीय श्री विजय भिसे सर हे होते त्याचबरोबर सुलभक म्हणून सौ शेडगे मॅडम,  श्री खैरमोडे सर,  श्री शिवदास सर

यांनी मार्गदर्शन केले.

दिवाळी सण माहीती

 दिवाळी हा भारतातील एक महत्वाचा सण आहे. हा सण प्रकाशाचा आणि आनंदाचा सण म्हणून साजरा केला जातो. या निबंधात

दिवाळी सणाची महत्त्व, इतिहास, आणि सण साजरा करण्याची पद्धत याविषयी माहिती दिली आहे.

दिवाळी हा सण भारतातील सर्व धर्मीय लोक साजरा करतात. या सणाला "दीपोत्सव" असेही म्हटले जाते. दिवाळी सणाच्या पाच दिवस चालतात. पहिला दिवस धनत्रयोदशी, दुसऱ्या दिवस नारक चतुर्दशी, तिसऱ्या दिवस लक्ष्मी पूजा, चौथा दिवस गोवेर्धन पूजा, आणि पाचवा दिवस भाऊबीज अशी आहेत.

दिवाळी सणाचा इतिहास पुराणकथेत सांगितला आहे. रावणाचा वध करून राम अयोध्येत परतले आणि म्हणून त्यांच्या यशाचे प्रतीक म्हणून दिवाळी सण साजरा केला जातो.

दिवाळी सणाच्या दिवशी लोक आपल्या घरात दिवे प्रज्वलित करतात, फटाके फोडतात, आणि एकमेकांना भेटवा देतात. या सणाला खूप आनंदाने साजरा केले जाते.

दिवाळी सणाचे महत्त्व

दिवाळी सणाचे अनेक महत्त्व आहेत:

- हा सण प्रकाशाचा आणि आनंदाचा सण आहे.
- या सणाच्या दिवशी लोक आपल्या घरात दिवे प्रज्वलित करतात, ज्याने अंधकार नष्ट होतो.
- हा सण एकता आणि प्रेमाचा सण आहे.
- या सणाच्या दिवशी लोक एकमेकांना भेटवा देतात आणि आनंदाने सण साजरा करतात.

दिवाळी सणाचा इतिहास

दिवाळी सणाचा इतिहास पुराणकथेत सांगितला आहे. रावणाचा वध करून राम अयोध्येत परतले आणि म्हणून त्यांच्या यशाचे प्रतीक म्हणून दिवाळी सण साजरा केला जातो.

दिवाळी सण साजरा करण्याची पद्धत

दिवाळी सणाच्या दिवशी लोक आपल्या घरात दिवे प्रज्वलित करतात, फटाके फोडतात, आणि एकमेकांना भेटवा देतात. या सणाला खूप आनंदाने साजरा केले जाते.

दिवाळी सणाचे महत्त्व आणि इतिहास याविषयी या निबंधात माहिती दिली आहे. हा सण प्रकाशाचा आणि आनंदाचा सण म्हणून साजरा केला जातो.